Red S. Tring

“Ano nga palang pangalan mo?”

“Ako si Red S. Tring. sisters kami ni Des T. Iny. madami silang nickname sakin eh. pero madalas Fate na lang. ako yung nagdudugtong sa inyo. ako yung nagsisilbing daan para magkita pa rin kayo, para magkaron ng chance na magtagpo kayo kahit malaki ang ating mundo at kahit maraming tao na pwede niyong makasalamuha. isang paniniwala na hindi rin ganun karami ang naniniwala

Sino ba ako?

may iba-ibang paniniwala naman tayo. sa magkakaibang lugar, magkakaibang kultura. iba’t-ibang pamahiin lalo na pag usapang pag-ibig. yung iba mas gusto nila forced, tipong “bakit pa ako maghihintay na pagtagpuin kami ng taong yun kung eto yung gusto ko, kung sya yung gusto ko. hindi ba ako pwede gumawa ng move?“

At may mga patuloy na naniniwala sakin.. suntok sa buwan ika nga. pwede na yung taong gusto nila, marahil sila nga talaga ang para sa isa’t-isa, pero.. hindi nga lang ngayon-na mag-iiwan sayo ng palaisipan na “pero kailan?” pwede rin naman na hindi pala sila para sa isa’t-isa at sa ibang tao sila nakakabit-ang magiging tanong mo lang ay “kanino ba?”

Maaaring mabuhol,

Maaaring mahatak,

Maaaring mahawakan ng iba,

pero hindi pwedeng maputol,

Hinding–hindi ako mapuputol.

Maaaring hindi mo nakikita,

Pero mararamdaman mo na lang.

Pagtatagpuin ko naman kayo eh. wait ka lang.“